計劃招募各位有心義工，一齊喺聖誕節為石排灣邨嘅長者們送上關懷同祝福，互相分 享聖誕喜悅同埋為邨內營造節日氣氛！

唔好以為街舞得年青人先跳到，大朋友同長者同樣能夠參與，而好多地方同國家都有 長者街舞團添！今次兩節嘅街舞體驗，希望可以俾大家輕鬆地感受一下街舞嘅樂趣！

大部分人都會以每年1月1日為新一年嘅開始，但係大家又知唔知其他地區或者國家嘅 新年文化習俗又係點樣嘅呢？會唔會都係派利是、貼揮春？有興趣嘅街坊不如就襯住 農曆新年之前，參與成為活動嘅義工，一齊搜羅下唔同文化背景之下嘅人係點樣過新 年呢。蒐集到嘅資料，仲可以作為直播問答遊戲嘅問題㗎！

魔術表演就睇得多，但大家有冇學過呢? 今次家石就想招募一班街坊學習魔術，並於 我哋3月份嘅嘉許禮中表演，甚至即場教返嘉許禮參加者幾招，體驗一次另類嘅義工服 務！

助人自助，人幫我時，我又幫人。義工隊會幫助本區長者清潔家居，等佢哋可以有個更乾淨的生活環境過個好年。如果你獨門嘅家居清潔大法，就更加要嚟同大家分享喇！

恭喜賀喜，農曆新年對於華人社會嚟講係好重要嘅大日子，計劃希望招募街坊除左自 己拜年之外，都可以一齊探訪石排灣邨嘅長者，送上禮品同關懷之餘同佢哋一齊渡過 一個喜慶嘅新年啦！